尚夢・茳煳 (已結業)

放luncn約左同事食飯，搵到一間新派中菜館。餐牌既午市套餐選擇都幾豐富，除左主食之外，仲有開胃前菜、是日燉湯、甜品同飲品，仲要免加一，都真係抵食。茳煳醉鷄醉鷄酒香撲鼻，肉質都幾嫩滑。是日燉湯係淮山杞子燉雞，鮮味十足而且不加味精。跟餐可以揀白飯或者燕麥飯，燕麥飯都幾足料，絕對唔hea。陳皮蒸安格斯牛肉餅牛肉餅肉質軟腍，陳皮既香氣幾突出，另有木耳做前菜，送飯真係一流。午餐既甜品係桂花榚，賣相精瑩剔透，食落則清甜滋潤。餐廳既晚市以小菜為主，有機會會再嚟一試。