拉麵來 (已結業)

同朋友相約喺大坑食晏，發現依間唔錯嘅拉麵店，午市拉麵套餐，性價比超高，除咗拉麵之外，仲有牛油粟米，小食，同埋飲品，超豐富！環境都幾乾淨，仲有我最愛嘅蒜頭、蒜蓉工具😎😎重口味之選淨係見到餐牌，已經夠晒開心佢哋仲有提供一啲特別口味嘅飲品，綠茶可樂、蕃茄汽水，又幾過癮喎😎😎香濃雞白湯拉麵🍜奶白色嘅雞湯！非常濃郁，再加一粒膠原波波，膠質簡直係爆燈！好好飲！叉燒比較肥美厚身，拉麵質地可以選擇硬度，我揀咗柔軟，口感仍然彈牙，唔錯！另外加咗隻糖心蛋，就夠晒滋味😌😌熊本黑蒜油豚骨湯拉麵豬骨湯同雞湯截然不同，但同樣非常濃郁👍🏼👍🏼黑蒜油仲增添一份惹味香氣～午餐嘅小食都非常有誠意，蝦餅熱辣辣，係唔錯嘅選擇！