新麻蒲 BBQ (形點) (已結業)

今日星期六下午同朋友去左元朗既 Park yoho 行街，行到累累地想搵間餐廳坐低食下嘢，但周圍 D 餐廳都有勁多人係到等緊位。之後最奇怪既事發生左，明明星期六有咁多人嘅日子，但好多餐廳都竟然會落場，所以搞到我好多餐廳都食唔到，塭左好耐終於比我搵到一間餐廳仲有午市套餐，所以我就衝左入去。呢間餐廳好抵食，所有午市套餐買三送一。我今次叫左最大路既石鍋伴飯。石鍋伴飯有唔同既材料：切絲牛肉，芽菜，菇菌絲，紅蘿蔔絲，瓜絲洋蔥絲和菠菜等等，而且還有一隻煎蛋。食果時加左韓式甜辣醬味道會更正，可惜飯份量較少，不過都算不錯，飯未至於整得太爛，而且食材都新鮮。