makan makan

將軍澳新區嗰邊有好多餐廳，次次去親食都有好多唔同嘅新餐廳試。去咗間馬來西亞菜嘅餐廳叫咗兩個Lunch Set，叻沙同海南雞飯，仲包埋嘢飲同甜品。先講新加坡叻沙$98，湯底好濃郁，蝦嘅鮮味十足，米線滑溜，仲有半隻溏心蛋、魚片、豆卜同芽菜，辣度適中。海南雞飯$98都唔錯，雞肉實淨，雞皮油潤，配埋薑蓉同辣椒醬，味道豐富。跟餐仲包飲品，揀咗檸茶。甜品係芝麻湯圓，芝麻味濃郁，湯圓煙韌，甜度適中，係個完美嘅 ending。