心飴 (已結業)

今日12時35分去到門口等,等到1時多才有位,中途真係好想走,不過見係王祖藍開又好想試吓,但令我們好失望.我們6個人去,個個都話好難食...香草雞扒天使麵---茄汁唔夠味,雞沒味道,又唔熱...好食度:唔好食燒汁龍脷柳天使麵---燒汁完全沒味道,龍脷柳完全好難形容,先食落去會好鹹,食食吓又會冇味,個外相仲難看,好似蘿蔔糕咁,個個見到都呆o左...好食度:好難食蔥燒牛肉糙米飯----糙米飯太爛,賣相一般,西蘭花變黃,煮得太耐...好食度:麻麻地我們6個人對食午餐都沒咩要求,但都唔好差成咁...食到最後仲經典,有一個服務員來收我們食完的餐具時,他在我們面前把其中一碟吃剩的糙米飯和另一碟吃剩的天使麵撈在一起,我們都呆o左...唔應該在我們面前做吧,好嘔心 我們6個人都好失望,唔會再去了,今日第一次打食評,真係好希望你們要好好改善,如果唔係只會做差你個名,貼咁多相都沒用...