影片
更多
2018-09-20
92 瀏覽
同事生日，午市食呢間。裝修著實不錯，全店以黑色為主，走型格路缐。中午時份窗外有透光，尚可，唯晚市可能會太暗了（may be ), 下次等我親身體驗一下。Set lunch 有呢張，見到價錢同配搭簡直令人眼前一亮。輕食的沙律$63, 意粉類 $73, 雞 or 豬 $83，羊 or 魚 $103, 最貴的牛也不過 $153； 觀塘樓上 cafe 來講，價格算平實 頭盤送的風乾火腿餅乾條。幾有心思，火腿亦好滋味；唯獨可能做起放耐左，餅乾條淋淋地，有點失色。餐湯沙律二選一，我揀左湯。係煙肉薯仔湯，比較稀唔會杰撻撻，味道幾好，唯一唔夠熱，湯要熱辣辣先好味。主菜我叫左烤羊脾扒，我覺得佢係芸芸眾餐之中 CP 最高，果然 .......有兩大塊羊脾，份量 super 多，擺盤十分精緻。羊脾唔會羶，唔會韌。點上秘製燒汁之後，其實有少少似豬柳，怕羊羶味又想試羊的人啱曬。炒雜菜另上，視覺上有點格格不入，攪咩呀⋯⋯但是雜菜係超級好味的，如果你唔介意佢破壞曬個意境。包餐飲 連加一都係 $113， 超值！請埋壽星食都唔會肉赤。可惜人手不足，招乎唔到，扣少少分。
裝修著實不錯，全店以黑色為主，走型格路缐。
中午時份窗外有透光，尚可，唯晚市可能會太暗了（may be ), 下次等我親身體驗一下。
Set lunch 有呢張，見到價錢同配搭簡直令人眼前一亮。
輕食的沙律$63, 意粉類 $73, 雞 or 豬 $83，羊 or 魚 $103, 最貴的牛也不過 $153； 觀塘樓上 cafe 來講，價格算平實
頭盤送的風乾火腿餅乾條。幾有心思，火腿亦好滋味；唯獨可能做起放耐左，餅乾條淋淋地，有點失色。
餐湯沙律二選一，我揀左湯。
係煙肉薯仔湯，比較稀唔會杰撻撻，味道幾好，唯一唔夠熱，湯要熱辣辣先好味。
主菜我叫左烤羊脾扒，我覺得佢係芸芸眾餐之中 CP 最高，果然 .......
有兩大塊羊脾，份量 super 多，擺盤十分精緻。
羊脾唔會羶，唔會韌。點上秘製燒汁之後，其實有少少似豬柳，怕羊羶味又想試羊的人啱曬。
炒雜菜另上，視覺上有點格格不入，攪咩呀⋯⋯
但是雜菜係超級好味的，如果你唔介意佢破壞曬個意境。
包餐飲 連加一都係 $113， 超值！
請埋壽星食都唔會肉赤。
可惜人手不足，招乎唔到，扣少少分。
張貼
