寿司九州市場

營業中

休息中

難得平日放假，就去沙田新城市行吓街，行到三期一田嗰邊，開始有啲餓，見到呢間日本嘢未試過，又有午市定食，就入去試吓啦！仲好好安排咗卡位比我！午市定食都主要係壽司，我叫咗set A, 有北寄貝沙律手卷、三文魚壽司、墨魚壽司、八爪魚芥辣軍艦、蔥粒吞拿魚腩軍艦、千尋海老壽司、醋鯖魚壽司、三文魚腩壽司同埋海螺壽司，定食套餐仲包埋沙律同埋麵豉湯。壽司都新鮮，唯一美中不足係醋鯖魚有幾條魚骨，食嘅時候要小心啲。整體來講都幾抵食！