影片
更多
2022-12-06
305 瀏覽
《岳川串揚 - 銅鑼灣》星期日放假，當然都要出動搵好野食啦😆今次又去到銅鑼灣呢邊行下，想搵啲特色coffee shop 坐下hea下😅不過星期日既銅鑼灣真係巨多人😅連飲杯咖啡都要迫住迫住好冇癮🥲離開左coffee shop 轉個灣比我見到間食日式串揚既餐廳，Happy Hour時段指定酒精飲品第二杯半價😏既然喺coffee shop 搵唔到滿足感😂不如喺居酒屋搵搵佢😆當日我地兩人行叫左兩個lunch set 再每人加左串串揚，連加一埋單二百蚊左右炸😱💁🏻♀️和風照燒雞扒烏冬定食 前菜方面，店舖安排咗芝麻醬車厘茄同埋中華沙律比我地，而個照燒雞扒本身已經醃咗，食落好夠味☺️個外皮燒得幾香脆，個肉都唔會太乾身👍🏻烏冬係我鍾意食既粗身烏冬，感覺較容易嗦湯，而湯底應該係昆布醬油湯，就係傳統日本居酒屋食到嘅湯底，簡簡單單味道都唔錯😉💁🏻♀️串揚雞翼 朋友超鍾意食呢個雞翼，對佢讚不絕口👍🏻雞翼出面有層薄薄嘅炸粉，咬落好脆口但係入邊充滿肉汁，同埋外皮個醬汁甜甜地，食落零舍開胃💁🏻♀️日式燒汁牛肉烏冬而朋友呢個牛肉烏冬除咗份燒汁牛肉之外，其他嘢同我嘅定食配搭都係一樣，牛肉應該係用咗肥牛去製作，燒汁又係甜甜
星期日放假，當然都要出動搵好野食啦😆今次又去到銅鑼灣呢邊行下，想搵啲特色coffee shop 坐下hea下😅不過星期日既銅鑼灣真係巨多人😅連飲杯咖啡都要迫住迫住好冇癮🥲離開左coffee shop 轉個灣比我見到間食日式串揚既餐廳，Happy Hour時段指定酒精飲品第二杯半價😏既然喺coffee shop 搵唔到滿足感😂不如喺居酒屋搵搵佢😆當日我地兩人行叫左兩個lunch set 再每人加左串串揚，連加一埋單二百蚊左右炸😱
💁🏻♀️和風照燒雞扒烏冬定食
前菜方面，店舖安排咗芝麻醬車厘茄同埋中華沙律比我地，而個照燒雞扒本身已經醃咗，食落好夠味☺️個外皮燒得幾香脆，個肉都唔會太乾身👍🏻烏冬係我鍾意食既粗身烏冬，感覺較容易嗦湯，而湯底應該係昆布醬油湯，就係傳統日本居酒屋食到嘅湯底，簡簡單單味道都唔錯😉
💁🏻♀️串揚雞翼
朋友超鍾意食呢個雞翼，對佢讚不絕口👍🏻雞翼出面有層薄薄嘅炸粉，咬落好脆口但係入邊充滿肉汁，同埋外皮個醬汁甜甜地，食落零舍開胃
💁🏻♀️日式燒汁牛肉烏冬
而朋友呢個牛肉烏冬除咗份燒汁牛肉之外，其他嘢同我嘅定食配搭都係一樣，牛肉應該係用咗肥牛去製作，燒汁又係甜甜地，用嚟送飯一定勁好味😂不過烏冬都唔差，食完個胃暖笠笠好滿足😋
💁🏻♀️串揚香菇
我個人都幾鍾意食冬菇，佢套餐可以加配嘅串揚有得選擇香菇，咁我就梗係揀佢啦😉我就比較鍾意原汁原味咩嘢都唔點，直接食佢嘅菇菌味😚咬落都幾Juicy
其實個定食份量都唔少，原本諗住食少少嘢再飲酒，但由於太飽嘅關係都未飲得落😂所以我哋決定行多陣街先至再去下場😏呢度個氛圍其實都幾適合一大班人gathering 飲下酒傾下計，下次應該要喺晚市嘅時候同埋其他朋友一齊嚟試吓佢其他串揚先得😆以銅鑼灣咁貴鋪租嚟講，呢間餐廳嘅嘢食價錢真心唔貴，想簡簡單單食個午餐的話呢度係個唔錯嘅選擇
張貼
