翔壽司 (已結業)

厚福街呢度出名多嘢食，以前喺尖沙咀返過一排工都有成日過嚟食lunch。今次過去係純粹係附近行街，所以自然就過咗嚟食lunch。翔壽司入邊係全bar枱，裝修簡約。12-5pm有午市定食，價錢由$68至$278。想食豪啲亦可以揀omakase，有3個sets，價錢由$380-$680。特上壽司盛盒(10件) $258海膽、三文魚子、牡丹蝦、帶子、炙燒金線鯛、吞拿魚腩、深海池魚、鯖魚、油甘魚、真鯛定食配麵豉湯同沙律。三文魚子夠咸香口感一流，深海池魚同油甘魚肥美，牡丹蝦彈牙，吞拿魚腩入口即溶。感覺飯較多，所以10件都食到幾飽。