泰國廚房

營業中

休息中

泰國廚房個位唔係話好就腳，基本上每次光顧都係揸車泊喺粉嶺法院後面，全港唯一4蚊一個鐘嘅咪錶停車場。佢門口對住單車徑嘅隧道，餐廳裏面有舒適裝修同冰凍冷氣，簡直一天一地。午市供應飯餐同湯粉，五六十蚊連特飲，以環境計唔過份。香矛豬扒豬手金邊粉，湯底甜美，金邊粉有咬口。香矛豬扒稍嫌細塊同乾，豬手無乜肉，唔推介。可取處係份量好足。泰式海南雞配油飯，雞夠滑嫩同已經去骨，食得放心。一旁嘅點汁夠惹味。雞油飯未夠油，味道不過不失。