影片
更多
2018-07-11
2825 瀏覽
麻辣雞煲我就食得多，芝士雞煲就未試過，因為始終覺得個味唔岩打邊爐。但比我發現到旺角有一間火鍋店，有麻辣雞煲之餘又有芝士雞煲、仲要任食!! 食完芝士雞煲仲可以轉返麻辣打邊爐，唔駛怕唔岩味。 身為芝士控既我緊係搵埋火鍋控既朋友一齊去試架啦~😁我地下午一點黎到，全店得我地打邊爐，其他人都係食快餐。雖然異樣，但都無損我地打邊爐既心情! 我地都揀左$198頂級安格斯餐，19:00前離座減$20 (其實我地食到15:30，理應係17:00前離座減$30既優惠，但唔知點解職員入錯數🤔😐)，星期五六日加$10等梗芝士雞煲既同時，職員送上調味料，有生蒜、炸蒜、蔥粒、芫茜、辣椒、麻醬六款，雖然選擇唔算好多，但勝在夠新鮮、乾淨。等左大概兩個鐘，期待已久既三重芝士雞煲終於出現啦!! 嘩!~d芝士多到近乎見唔到雞!!😮 由於雞件早就已經煎過，上枱果陣只係等芝士溶化就食得。鐘仔響左之後，職員就幫我地撈均佢。打開蓋果一刻，香濃芝士味直湧而上~~再見到咁多拉絲芝士，添加埋視覺上既衝擊，簡直令人垂涎三尺!🤤! 雞肉嫩滑，一d都唔鞋口，但略嫌調味簡單左少少，食落除左芝士味之外就無其他味，單調得制😐。如果唔係心急食既話，我
我地下午一點黎到，全店得我地打邊爐，其他人都係食快餐。雖然異樣，但都無損我地打邊爐既心情! 我地都揀左$198頂級安格斯餐，19:00前離座減$20 (其實我地食到15:30，理應係17:00前離座減$30既優惠，但唔知點解職員入錯數🤔😐)，星期五六日加$10
等梗芝士雞煲既同時，職員送上調味料，有生蒜、炸蒜、蔥粒、芫茜、辣椒、麻醬六款，雖然選擇唔算好多，但勝在夠新鮮、乾淨。
10 瀏覽
0 讚好
0 留言
等左大概兩個鐘，期待已久既三重芝士雞煲終於出現啦!! 嘩!~d芝士多到近乎見唔到雞!!😮
28 瀏覽
0 讚好
0 留言
由於雞件早就已經煎過，上枱果陣只係等芝士溶化就食得。
鐘仔響左之後，職員就幫我地撈均佢。
17 瀏覽
0 讚好
0 留言
打開蓋果一刻，香濃芝士味直湧而上~~再見到咁多拉絲芝士，添加埋視覺上既衝擊，簡直令人垂涎三尺!🤤!
16 瀏覽
0 讚好
0 留言
雞肉嫩滑，一d都唔鞋口，但略嫌調味簡單左少少，食落除左芝士味之外就無其他味，單調得制😐。如果唔係心急食既話，我建議煮多一陣，待芝士結焦後食，多左焦香味、更好味!!😋
呢度另一出名既就係自家制黃金炸魚皮，仲要係任食添!! 不過想食既朋友仔要留意，職員話呢款炸魚皮要晚上7點先開始供應....😲😱當我地知道呢個真相之後，有d失望😢，因為呢個都係我地期待既食物
點知呢位職員之後話我地知，佢特登叫廚房整左少少比我地試，嘩!!! 好有人情味呀!😃~ 只有小店先做到咁人性化架咋，如果係大型食肆，一定唔理我地。
16 瀏覽
0 讚好
0 留言
炒完既炸魚皮仍然保持到乾身唔滑淋淋，而且蛋黃味濃、大件硬脆、細件薄脆
食完雞煲就加$28轉小辣麻辣湯底，職員話唔夠辣可以再加，結果比左一碗辣料我地自由加。夠彈性!
呢度既麻辣湯底無辣油係面，只有乾辣椒，所以初初食既時候會覺得唔夠辣，但等到乾椒慢慢煲淋之後，就會越食越辣；不過我地都嫌個湯底發揮唔到令食材提味既功效，例如豆卜、響鈴等呢d吸汁力強既食物，浸完之後都係食番食材既原味….😑
普通炸魚皮脆口；自家制響鈴脆既，但因為太薄，浸左湯唔駛一秒都足已令佢淋哂，入口已經無左脆口感；丸餃類都係普通款
生蝦肉彈牙；脆鯇片唔爽脆
牛舌肥爽、彈牙；安格斯牛厚身，有膏位，煮完都算淋有牛味；西班牙黑豚肉厚身，唔韌，但肉味唔夠
8 瀏覽
0 讚好
0 留言
飲品有提供竹庶茅根，清熱又涼，甜度可接受，飲完唔覺野痰
如果真係好想試芝士雞煲既朋友，可以選擇晚市7點後黎試，午市就唔好黎啦，因為有d食物係無供應 (除左黃金炸魚皮外，蜂巢豆腐、炸芋頭、魚片頭都無☹️)。至於服務方面，樓面只有一位比較senior既女職員，服務同態度都好好，佢會主動介紹餐牌、叫廚房特登整d黃金魚皮、拎d麻辣湯料比我地自由加等等，其他職員就比較似新手。
張貼
