牛一 (元朗廣場) (已結業)

元朗呢間牛一我幫襯到第三次了，次次都係食午市放題，我覺得個性價比ok高。首先環境比一般打邊鑪闊落，坐得好舒服。午市放題有兩隻，一隻係90 分鐘一隻係60 分鐘，憑我食o左幾次o既經驗，60 分鐘係夠o既，因為佢個鑪滾得好快，但overall 個用餐體驗會無咁好，可以自己再judge。肉呢係跟o左餐，得一份o架o者，真正o既放題部份係菜呀、麵呀、丸呀o個d，但其實都好多o野食。比較特別o既有蕎麥麵、黑色o既墨汁豚肉丸同一款入面係年糕出面有層類似腐皮咁o既丸。野飲包晒(自己斟o個d，非罐裝) 汽水、果汁，甚至有茶包你想沖茶都得，幾好。不得不提(亦係我o黎親必食)  o既係d 乳酪雪糕(其實仲有正常雪糕)，本身唔太甜o既酸奶味，可以自己加好多唔同o既款料好似綿花糖、仆仆脆等等，好好食呀…出面單買都$30 幾一杯啦。