影片
更多
2020-03-13
21 瀏覽
之前係IG見朋友食過幾次，見到佢哋食燒肉好吸引。今次中午係旺角工作完，見到餐廳門口放咗lunch menu，價錢都幾公道，終於都有機會試吓啦！餐廳位於地牢，一落到去好似去咗韓國咁，啲裝修真係同韓國好似！店面都好乾淨，而且唔會有一陣陣燒烤味，抵讚！Lunch主要係飯/麵/湯選擇配飲品，如果想食烤肉就要a la carte。不過午餐選擇有好多，都有10幾樣，冷熱都有。老公就揀咗烤肉水冷麵，我就揀咗石鍋拌飯。飲品就有幾款味道的汽水，仲有啲韓國特色飲品。點完餐店員就送上4款餐前小食加一包紫菜，餐前小食份量都唔少，小食係無限供應，店員話如果需要添加同佢講就可以。我最鍾意食嘅就係個麻油芽菜😍食咗2碟😛之後主食來了，石頭鍋飯上枱時勁夠熱，個飯仲係鍋入面滾緊，配上辣醬撈埋一齊，攤一陣先食到😂因為真係好熱。味道唔錯，唔會太鹹太濃味，調味剛好。之前係其他地方試過個辣醬鹹到開眼，但今次唔會！而且唔算好辣，好食！太陽蛋煎得好靚，篤開個黃流落個飯到食，一流。牛肉份量正常，但味道偏淡。食完個飯唔會好口乾，感覺無乜味精👍🏻之後老公嘅烤肉水冷麵，個烤肉好好食，剛剛烤好仲好熱，質地有𡁻口唔會太淋，調味醃料恰到好處，唔需
餐廳位於地牢，一落到去好似去咗韓國咁，啲裝修真係同韓國好似！店面都好乾淨，而且唔會有一陣陣燒烤味，抵讚！
Lunch主要係飯/麵/湯選擇配飲品，如果想食烤肉就要a la carte。不過午餐選擇有好多，都有10幾樣，冷熱都有。老公就揀咗烤肉水冷麵，我就揀咗石鍋拌飯。飲品就有幾款味道的汽水，仲有啲韓國特色飲品。
點完餐店員就送上4款餐前小食加一包紫菜，餐前小食份量都唔少，小食係無限供應，店員話如果需要添加同佢講就可以。我最鍾意食嘅就係個麻油芽菜😍食咗2碟😛
前菜
5 瀏覽
0 讚好
0 留言
之後主食來了，石頭鍋飯上枱時勁夠熱，個飯仲係鍋入面滾緊，配上辣醬撈埋一齊，攤一陣先食到😂因為真係好熱。味道唔錯，唔會太鹹太濃味，調味剛好。之前係其他地方試過個辣醬鹹到開眼，但今次唔會！而且唔算好辣，好食！太陽蛋煎得好靚，篤開個黃流落個飯到食，一流。牛肉份量正常，但味道偏淡。食完個飯唔會好口乾，感覺無乜味精👍🏻
韓式牛肉拌飯
1 瀏覽
0 讚好
0 留言
之後老公嘅烤肉水冷麵，個烤肉好好食，剛剛烤好仲好熱，質地有𡁻口唔會太淋，調味醃料恰到好處，唔需要點醬汁都好夠味。
而個水冷麵味道就偏淡，但可以根據自己喜好加醋或者麻醬。我哋鍾意食酸啲，落少少醋就啱啱好！個冷麵份量唔算好多，女仕就剛好。
烤肉水冷麵
5 瀏覽
0 讚好
0 留言
我哋食1點，受疫情影響店內無乜人，我覺得質素真係唔差，大家可以試吓。
張貼
