牛摩+ (沙田中心) (已結業)

原來沙田都開左牛摩，原來仲做緊推廣，單碟放題嘅話最低可以有八折，見佢有個指定午市90分鐘放題係由12點至5點，最平$99就食到，邊爐放題黎講好似幾唔錯，所以係中午黎食下！原來呢度都係一人一鍋咁樣食，係而家疫情下，相對起嚟安全得多，又可以同朋友打邊爐之餘，亦都比較衛生！湯底嘅選擇有超過10款，最吸引嘅就應該係博多美人骨膠原啫喱雞白湯，另外仲叫咗個關東煮壽喜燒湯底。雞白湯好清甜，感覺飲咗好多骨膠原落肚。除咗任叫嘅肉類之外，仲有好多配菜、前菜、乳酪雪糕等等。熟食方面見到佢有一個和牛炒飯，入邊有啲蔥花同和牛粒，飯都已經調好咗味！而且呢度除咗普通嘅豆腐之外，仲有玉子豆腐。嘢飲嘅選擇亦都好多，仲有沙冰添！