十十川滬料理 (已結業)

川滬一人前鍋物 $118有七款鍋底可選滬式金湯雲吞雞 ✅老四川沸騰水煮魚老檀酸菜魚 ✅老檀酸菜牛肉 濃茄雜錦海鮮老四川沸騰水煮牛肉 ✅酸菜胡椒豬肚湯 本身跟一份配料，加$48可以升級90分鐘放題，任食30多款配料，任飲黑糖珍珠豆漿及冰粉豆漿，而且有小籠包放題！唔係唔加阿？！先講鍋物，三款湯底，雲呑雞清甜，水煮牛唔算太辣，但牛肉軟腍；酸菜魚有點淡，魚肉亦不似外面吃到的嫩滑，有少少失望。之後火鍋加湯底都是清湯，所以越食越淡味。30多款食材中除了常見食材，還有黃喉，鴨血，萵筍，百葉結等，質素正正常常，其中墨魚丸似是墨魚味魚丸多過墨魚丸，但流心芝士腸幾有驚喜。另一主打小籠包放題即叫即蒸，餐廳有多款口味，但放題只有原味及辣味，容易夾起唔會穿，皮薄多汁，正！任食餐單仲有粉麵飯，試左上海粗炒幾好，唔會油淋淋；四川擔擔麵有麻醬味但湯底太稀。任飲豆漿本身無糖，加埋冰仲淡，撈埋黑糖就好啲，但飲左一杯之後我都係決定飲茶。.午市任食90分鐘唔使$200埋單，當火鍋放題都算性價比高，如果純粹想食酸菜魚就有少少失望，因為魚肉不在放題食材之內，加魚要額外收費。