築地番本日式放題 (已結業)

這次和媽媽、妹妹約定今天中午食放題，要數放題集中地，而又較近的地區非旺角莫屬。早一日晚上已經上網搜尋旺角有做午市放題的店，但絕大多數都只做晚市，無意中發現築地番本有做午市放題，$178一位需要加一，openrice中的評價也不錯，便決定一試！午市除了一般放題外，還有壽司放題和午市定食可供選擇。那時大概12點半左右入座，可以食到3點，2點開始截單，店裏只有一至兩枱客人，及後越來越多人來店，可是食放題的都只有三兩枱，當然也包括我們了。一開始每款紙都叫了幾樣，刺身、天婦羅、芝士焗蠔、牛油帶子、紅酒牛腩、牛柳粒......幾乎全都食了一遍。三文魚都幾厚肉，食太多便已經有點滯，北寄貝和象拔蚌都大推，好爽口！甜蝦就有點細隻了，不過味道也不錯，帶子細細粒但很鮮甜。各款壽司也不錯。焗蠔、焗扇貝、牛油帶子和紅酒牛腩亦是必食之選！最後點了三杯冰凍梅酒，冰和梅酒是分開上的，可以按自己喜好選擇加多冰還是少冰，甚至是不加冰，但不加冰我覺得有點太甜，還是加冰比較好飲。眾人食完之後都對這餐午市放題十分滿意，下次一定會再光顧！