影片
更多
2017-10-16
8603 瀏覽
要去呢區探望友人之BB, 約好成班友仔先去開餐先去打攪人, 呢區食店真係多的是, 其中有人提議去食放題, 咩都有得食, 岩晒一大班人既個人口味!呢間放題店處於出名涼粉店附近, 唔算難搵, 行落去地庫就係十月關係, 餐廳以萬聖節作主題為佈置, 侍應主打為年青人午市放題任飲任食2小時, 時間都算充裕, 價錢都係$158, 食物選擇十數類, 連火鍋都有!成班人你一張我一張咁落單, 為免浪費, 先每樣點少少試下先, 好食就再ENCORE首先送上黎就係刺身, 擺盤唔錯, 點左帶子, 象拔蚌, 八爪魚及甜蝦, 甜蝦夠大隻, 一啖一隻夠口感; 帶子食落都有甜味, 刺身食落都無咩雪味!精緻壽司確過癮, 一口一件, 唔怕太大舊飯會好快食飽, 水準以放題黎講算唔錯, 個人喜愛佢既蟹棒壽司, 加了少少沙律醬增加味道!食緊既同時, 兩款小食蟹籽沙律及枝豆就上枱啦, 青瓜絲爽口多汁, 配埋卜卜脆既蟹籽加沙律醬撈勻黎食.......好味; 而呢度既枝豆係有埋黑椒調味, 比較特別, 先有黑椒味, 再有豆味!食到咁上下, 出去拎D飲品先, 汽水, 果汁, 烏龍茶, 蘋果梳打酒及啤酒都有供應又到熱食出場, 呢客蟹粥見好
呢間放題店處於出名涼粉店附近, 唔算難搵, 行落去地庫就係
十月關係, 餐廳以萬聖節作主題為佈置, 侍應主打為年青人
午市放題任飲任食2小時, 時間都算充裕, 價錢都係$158, 食物選擇十數類, 連火鍋都有!
成班人你一張我一張咁落單, 為免浪費, 先每樣點少少試下先, 好食就再ENCORE
首先送上黎就係刺身, 擺盤唔錯, 點左帶子, 象拔蚌, 八爪魚及甜蝦, 甜蝦夠大隻, 一啖一隻夠口感; 帶子食落都有甜味, 刺身食落都無咩雪味!
105 瀏覽
0 讚好
0 留言
精緻壽司確過癮, 一口一件, 唔怕太大舊飯會好快食飽, 水準以放題黎講算唔錯, 個人喜愛佢既蟹棒壽司, 加了少少沙律醬增加味道!
87 瀏覽
0 讚好
0 留言
食緊既同時, 兩款小食蟹籽沙律及枝豆就上枱啦, 青瓜絲爽口多汁, 配埋卜卜脆既蟹籽加沙律醬撈勻黎食.......好味; 而呢度既枝豆係有埋黑椒調味, 比較特別, 先有黑椒味, 再有豆味!
73 瀏覽
0 讚好
0 留言
食到咁上下, 出去拎D飲品先, 汽水, 果汁, 烏龍茶, 蘋果梳打酒及啤酒都有供應
又到熱食出場, 呢客蟹粥見好多枱客都有叫, 當然要試返客啦, 份量細細碗夠晒熱, 個粥底都幾綿, 蟹就比較細隻無咩肉食, 當就咁食碗粥都確係唔錯既!
57 瀏覽
0 讚好
0 留言
炸物款式多, 唔怕熱氣既真係可以狂食, 天婦羅蝦, 蕃薯, 南瓜既炸漿唔算厚, 點埋天婦羅汁食味道幾好; 另外有炸紫芋丸, 香甜外脆, 仲有個一口炸芝士, 又係外脆內軟, 一咬D軟滑芝士流出黎, 芝士滿足度爆燈!
45 瀏覽
0 讚好
0 留言
呢度仲有印度薄餅, 有練奶/朱古力/咖啡味比你選, 練奶薄餅甜甜地好好味, 個薄餅又夠厚身及香脆; 另外既鷄軟骨就燒得比較乾身左D, 一試無妨!
41 瀏覽
0 讚好
0 留言
通常放題時間就好少點拉麵/烏冬類既, 但友人係對手打烏冬有情意結, 所以呢客鷄扒烏冬就出現係我地張枱上, 烏冬口感幾煙韌, 湯底味道較為淡口, 配埋爽口木耳絲及芽菜都唔錯, 鷄扒味道就略為普通!
40 瀏覽
0 讚好
0 留言
呢度仲有甜品供應, 豆腐花, 啫喱, 泡芙, 蛋糕仔, 韓國雪條等...................任你食, 真係要有第二個胃先得啦!
張貼
