GOCHISO (已結業)

因為最近印尼工人放假，每天都要搵地方食2餐，最好係未食過的餐廳，用訂座優惠搜尋到此餐廳，到達後才發現是舊餐廳轉了手改了名，但已忘記之前的名稱。SET LUNCH 都有好多選擇，由$68至$218都有，已包餐湯及飲品，在尖沙咀來說都算合理，我點了安格斯牛肉粒牛肝菌濃汁燴飯而我太太要和風照燒雞PIZZA。沙律都係普通無特別。和風照燒雞PIZZA 係薄批，雞肉唔算多但味道都算正宗和風式，熱度夠，過了10分鐘仍然有餘溫。安格斯牛肉粒牛肝菌濃汁燴飯的牛肉粒好有咬口但夠淋，牛肝菌都算香，濃汁差少少，可以減去濃汁的名字會更加符合質素及期望。餐飲只有3種選擇，而咖啡全部都要加錢，其實可以加上美式咖啡在標準餐飲上會更好。