本場

營業中

休息中

午市既放題都認真豐富，淨係前菜有幾款，其中最好食係味付八爪魚同鮮蝦柚子沙律，八爪魚好爽彈，好有咬口，加上味付，辣辣地，好開胃；而柚子鮮蝦沙律入邊嘅鮮蝦都好大隻，加埋酸酸甜甜嘅柚子，又係好開胃！之後要講既係一個一開頭會提供既頭盤，入面有牛小排，牛頸脊，牛舌，車海老，帆立貝，生蠔。雖然每一種嘅份量都唔多，但係就好適當咁樣可以試到唔同嘅口味，就好似車海老就好新鮮，又大隻，而且蝦肉好爽甜，而唔同嘅牛亦都係好好食！海鮮方面亦都有好多唔同款式可以任食，當中鹽燒鯖魚就好好味，一件件口感好好，厚實嘅魚肉魚味香濃，牛油廣島蠔肉同樣好食，唔會好細隻，而且燒完出嚟好香！肉類方面最鍾意就係極品牛小排，牛舌，芝士豚肉腸，牛小排唔會太肥，肉質柔嫩，牛舌就更加滑身，芝士豚肉腸亦都好香，充滿芝士嘅香味，全部口感味道都好好！