一喜‧涮涮鍋

營業中

休息中

今日去康怡探朋友，佢請我去康怡廣場北座三樓一喜.涮涮鍋吃午市火鍋放題。我們揀左$158一位的美國牛肩肉放題，凡出示長者咭/樂悠咭可享長者優惠價$118，超值。肉類方面可以任食美國牛肩肉，美國豚肉和特選雞腿肉。肉類質素佳，落左order好快就送到。90分鐘有足夠時間享用美食。湯底有9款，我們選了加$10的椰子雞白湯，這湯底真材實料有香濃椰子味，清甜滋潤，好味，真係一試就愛上。自助的蔬菜和火鍋料例如丸子豆品都豐富，好新鮮，可以自由選擇，各適其式。甜品飲品都多選擇，我特別欣賞冲繩鹽雪糕，又滑又美味。雪條和芝士蛋糕都要試下。店員勤快友善，令顧客舒服。店座位，通風和環境都好，是聚餐好地方。涮涮鍋放題母親節有優惠，值得帶母親來開心吃火鍋。