影片
更多
2023-09-22
1807 瀏覽
[ 八月花 ]放假同閨蜜喺銅鑼灣行街，午飯時間去咗粵菜食府「八月花」飲茶。餐廳係傳統中菜注入新元素，提供多款時尚、精緻嘅粵式點心🥢。茶品☕️✿ 八月茉莉花茶 $45/壺餐廳有多種茶款選擇，除咗傳統茗茶，亦有西式茶及冷泡茶。茉莉茶茶味回甘，有花香襯托，茶香撲鼻，份外小清新。「煎.炸.焗」點心✿ 脆皮麻辣燒賣 $40有別於傳統蒸燒賣，呢款創意新派點心每碟有5粒。燒賣外皮炸至金黃色，脆卜卜帶麻辣味🌶，餡料有豬肉及蝦肉，口感豐富有層次，擺設都好精緻。✿ 龍蝦湯蔥花餅 $42金黃香脆嘅酥皮配上熱辣辣龍蝦湯，濃郁鹹鮮，湯料有爽彈蝦肉及洋蔥。蔥花餅外形特別，🍭一圈圈繞著，口感酥脆。「蒸」點心✿ 黑松露冬菇包 $36另一款創意新派點心！1籠3個蒸包外型似冬菇🍄，口感鬆軟。餡料係菇碎與黑松露醬，配搭不錯，提升菇包香味。✿ 銀湖百花釀魚肚 $45呢個係茶樓經典點心。將蝦膠🍤釀入魚肚🐟，再以蟹籽點綴，蒸熟後蝦膠啖啖肉，飽滿入味，而魚肚吸收哂蝦膠嘅海鮮甜味。「必食」點心✿ 花膠瑤柱灌湯餃 $58黃色餃皮🥟薄而煙韌，一咬裏面有冬菇及豬肉香味，餡汁十足。配以一大片花膠及鮮甜帶彈性嘅原粒瑤柱，食材矜貴，加埋清甜湯頭🥣
放假同閨蜜喺銅鑼灣行街，午飯時間去咗粵菜食府「八月花」飲茶。餐廳係傳統中菜注入新元素，提供多款時尚、精緻嘅粵式點心🥢。
茶品☕️
✿ 八月茉莉花茶 $45/壺
餐廳有多種茶款選擇，除咗傳統茗茶，亦有西式茶及冷泡茶。茉莉茶茶味回甘，有花香襯托，茶香撲鼻，份外小清新。
「煎.炸.焗」點心
✿ 脆皮麻辣燒賣 $40
有別於傳統蒸燒賣，呢款創意新派點心每碟有5粒。燒賣外皮炸至金黃色，脆卜卜帶麻辣味🌶，餡料有豬肉及蝦肉，口感豐富有層次，擺設都好精緻。
✿ 龍蝦湯蔥花餅 $42
金黃香脆嘅酥皮配上熱辣辣龍蝦湯，濃郁鹹鮮，湯料有爽彈蝦肉及洋蔥。蔥花餅外形特別，🍭一圈圈繞著，口感酥脆。
「蒸」點心
✿ 黑松露冬菇包 $36
另一款創意新派點心！1籠3個蒸包外型似冬菇🍄，口感鬆軟。餡料係菇碎與黑松露醬，配搭不錯，提升菇包香味。
✿ 銀湖百花釀魚肚 $45
呢個係茶樓經典點心。將蝦膠🍤釀入魚肚🐟，再以蟹籽點綴，蒸熟後蝦膠啖啖肉，飽滿入味，而魚肚吸收哂蝦膠嘅海鮮甜味。
「必食」點心
✿ 花膠瑤柱灌湯餃 $58
黃色餃皮🥟薄而煙韌，一咬裏面有冬菇及豬肉香味，餡汁十足。配以一大片花膠及鮮甜帶彈性嘅原粒瑤柱，食材矜貴，加埋清甜湯頭🥣，口感滿足。
✿ 一口南非鮑魚撻(2件) $60
南非🇿🇦鮑魚燜得鮮咸入味，整粒放上香酥脆口嘅撻皮上。一口一件鮑魚撻，入口即化，咸甜口感非常搭配。
甜品🍮
✿ 黑糖薩琪瑪伴椰子芭菲 $60
黑糖薩琪瑪色澤金黃，口感綿甜鬆軟，表面放上鮮甜士多啤梨🍓果肉。椰子芭菲帶有濃郁椰子🥥香氣和柔軟口感，非常清新，好有夏日☀️特色。
總結🫦
八月花粵式點心種類繁多，用料矜貴，造型擺碟精緻有創意，味道質素高。銅鑼灣店位處皇室堡，交通便利，飲茶環境舒適。👍
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
八月花
地址：銅鑼灣告士打道311號皇室堡8樓全層
電話：2252 3918
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
