影片
更多
2024-12-02
379 瀏覽
放假同朋友嚟佐敦午膳，選了新寶廣場 3 樓這間「海洋超級漁港」。酒樓去年才剛剛裝修過，環境寬敞且別具雅緻，特設 VIP 房，非常適合大班朋友歡聚。點了個 $238 午市自選套餐，當中包括兩款點心、一份小食及粉麵飯類一客。 鮑汁鳳爪：鳳爪大大隻，炆得好入味，入口糯而不爛，腍滑鮮香，滿滿骨膠原，加埋墊底嘅花生一齊食，滋味又滿足😋合桃叉燒酥：酥皮非常鬆化，內層叉燒肥瘦各半，配上頂頭嗰粒酥脆嘅合桃，入口甜中帶微鹹，十分可口！椒鹽魷魚鬚：魷魚鬚炸得啱啱好，炸粉非常薄身，外脆內煙韌，入口香酥又唔油膩，加上份量不少，絕對係必食之選。仲有我至愛嘅生炒糯米飯，滿佈臘味同花生，用料十足，上檯時香噴噴，米飯色澤均勻，入口粒粒分明，口感和味道都很豐富。另外仲點咗籠鴛鴦燒賣 ($9.8) 而家做緊開業 20 週年特價，非常抵食，有燒賣皇同牛肉燒賣，兩款都好新鮮，大大粒，皮薄餡足，各有千秋。
放假同朋友嚟佐敦午膳，選了新寶廣場 3 樓這間「海洋超級漁港」。酒樓去年才剛剛裝修過，環境寬敞且別具雅緻，特設 VIP 房，非常適合大班朋友歡聚。
點了個 $238 午市自選套餐，當中包括兩款點心、一份小食及粉麵飯類一客。 
鮑汁鳳爪：鳳爪大大隻，炆得好入味，入口糯而不爛，腍滑鮮香，滿滿骨膠原，加埋墊底嘅花生一齊食，滋味又滿足😋
合桃叉燒酥：酥皮非常鬆化，內層叉燒肥瘦各半，配上頂頭嗰粒酥脆嘅合桃，入口甜中帶微鹹，十分可口！
椒鹽魷魚鬚：魷魚鬚炸得啱啱好，炸粉非常薄身，外脆內煙韌，入口香酥又唔油膩，加上份量不少，絕對係必食之選。
仲有我至愛嘅生炒糯米飯，滿佈臘味同花生，用料十足，上檯時香噴噴，米飯色澤均勻，入口粒粒分明，口感和味道都很豐富。
另外仲點咗籠鴛鴦燒賣 ($9.8) 而家做緊開業 20 週年特價，非常抵食，有燒賣皇同牛肉燒賣，兩款都好新鮮，大大粒，皮薄餡足，各有千秋。
張貼
