十八夢

Lunch黎呢間試下，見到午餐有前菜主食飲品，重點呢度裝修好靚，入黎chill下幾好。燒牛肉沙律👏🏻前菜之一既沙律，燒牛肉一條條都幾多，切開都食到燒到外肥內軟，好腍好香，沙律菜又新鮮清甜，加埋黑醋欖油汁，健康既醬汁，開胃前菜！另外飲湯果陣食埋軟軟既餐包仲配合！香煎紐西蘭比目魚柳•水瓜果白酒忌廉汁🫶🏻魚柳有兩大舊，認真足料呀，魚柳煎得好好，魚皮煎到香脆得黎又無爛晒，落佐少少黑椒調味，魚肉既鮮甜帶晒出黎，完全唔腥，厚實既魚肉肉質好好，再點埋餐廳自製既醬汁，食得出有淡淡白酒味，加埋忌廉亦幾濃稠，係令魚肉更好食既醬汗！全年穀飼美國極佳級牛肩柳🫰🏻牛肩柳煎到岩岩熟，牛肉仲係粉嫩色架，嫩口得黎亦有啲嚼勁，牛脂豐富，配埋翠用瓜一齊食味道都好岩！