影片
更多
2020-08-25
1238 瀏覽
嘩，呢間鮨野好味過我之前食既兩間好多，問題仲要好平。我食嗰個係$390嗰個餐，有放圖係我覺得好正好有印象既。樣樣味道都好新鮮，特別係個黑鱈魚，炙過表面，有少少燒汁，香甜魚肉係口炸開😋。呢間有心情會隨時過黎食。同行既就叫一個一千零幾個個餐，食物質數同份量黎講佢個餐係超值，無映晒，仲有一份係紫菜夾住中拖羅同埋海膽，仲有一件好特別嘅貝類壽司。我都試左佢個份餐十分之三左右。有啲我唔食既又俾下佢呢餐真心覺得抵，之前都唔會喺香港食omakase,香港租咁貴覺得俾既錢好大部分係租金，覺得唔抵，反正一兩個月又貢下去日本。而家冇得去開始試吓香港嘅omakase,呢間係第三間食既，如果咁嘅質素同咁嘅價錢真係超值。最鮮當然係即劏，成條成隻咁上台，個口仲呼吸緊既刺身😬。咁樣既，我諗個個常返鄉下既人都知係日本食好平，但呢間梗係未去到咁，但真係無一樣食落腥，仲要已經算幾新鮮下。單獨放圖片嘅係我覺得非常出色既但係服務唔得，唔係話唔友善。職員係友善既，好好既個種。但水準黎講：服務好似係連鎖放題店嗰種。問題係無omakase level既水平。座位幾細下同佢哋幾粗手粗腳，放餐勁大力係咁碰撞。一住講訂位電話一住放低野、要
嘩，呢間鮨野好味過我之前食既兩間好多，問題仲要好平。
我食嗰個係$390嗰個餐，有放圖係我覺得好正好有印象既。
樣樣味道都好新鮮，特別係個黑鱈魚，炙過表面，有少少燒汁，香甜魚肉係口炸開😋。呢間有心情會隨時過黎食。
同行既就叫一個一千零幾個個餐，食物質數同份量黎講佢個餐係超值，無映晒，仲有一份係紫菜夾住中拖羅同埋海膽，仲有一件好特別嘅貝類壽司。
我都試左佢個份餐十分之三左右。
有啲我唔食既又俾下佢
呢餐真心覺得抵，之前都唔會喺香港食omakase,香港租咁貴覺得俾既錢好大部分係租金，覺得唔抵，反正一兩個月又貢下去日本。
而家冇得去開始試吓香港嘅omakase,呢間係第三間食既，如果咁嘅質素同咁嘅價錢真係超值。
最鮮當然係即劏，成條成隻咁上台，個口仲呼吸緊既刺身😬。咁樣既，我諗個個常返鄉下既人都知係日本食好平，
但呢間梗係未去到咁，但真係無一樣食落腥，仲要已經算幾新鮮下。
單獨放圖片嘅係我覺得非常出色既
但係服務唔得，唔係話唔友善。職員係友善既，好好既個種。但水準黎講：服務好似係連鎖放題店嗰種。
問題係無omakase level既水平。座位幾細下同佢哋幾粗手粗腳，放餐勁大力係咁碰撞。
一住講訂位電話一住放低野、要係咁出聲要茶先有、你叫佢拎野，佢俾人引開注意力要再講之類。係當日全場三位都係咁😂😂😂 唔係唔好，但唔應該係咁
鮮甜大舊，分量唔會孤寒
燒鰻魚分鹽燒同醬燒，正
張貼
