緣聚鮮鍋 (已結業)

午市光顧，揀了最貴有刺身的一款，第二位平價，但原價加一。刺身有三文魚、希靈魚、蝦、螺肉、墨魚等。每次最多揀三款，員工每款給兩片。刺身質素正常，三文魚幾厚切，當然話正常，就沒有特別鮮味啦！部分火鍋料，或者是較貴的是用手機app落單。落單容易，上菜很快，但款式少。如：兩款牛肉、豚肉、羊肉、牛柏葉（叫了一次就冇得揀了）、餃子、還有其他不太吸引的，所以唔記得。肉的質素比一般火鍋為高，薄薄，有肉味，唔點醬料都👌。還有許多大路的火鍋料在大堂任取，蔬菜、菇類算新鮮，款式也算有選擇。多款粉麵任取，連韓國麵都有得揀。生根、響鈴、炸魚皮、芋絲、不同款式的丸類都有。還有日式前菜，但頗鹹。壽司🍣同熱葷都有幾款可選。我最鍾意是甜品，有兩味道的乳酪雪糕，媽話太酸，但我覺得好味。還有桶裝雪糕自己添。一杯杯小小的奶凍也可有選擇，其中蜜瓜味奶凍，媽話👍。飲品選擇多，我自己酙了壺梅酒，味道不錯。現有優惠，除開每位百四元，除app火鍋料選擇少外，其他都合理及不會失望的。