影片
更多
2019-05-26
126 瀏覽
星期五決定搵個好地方食lunch獎勵下自己，係威靈頓街往上環方向行到尾有呢棟The Wellington，上UG/F就有呢間裝修超靚既Zentro。呢間原來係出名食炭燒食物既，仲用係用備長炭添。入面有個好靚既酒吧。侍應都係外國人。前菜沙律（跟餐）先黎個前菜沙律，都幾大份，有燒過既南瓜添，跟義大利香醋，好開胃。炭燒天多尼式澳洲120日穀飼黑安格斯肉眼 配薯條及雜菜（$168）第一次食炭燒既肉眼扒，好特別，燒完之後塊扒係橙橙地色架。聞落仲要係陣陣肉類炭燒後散發出黎令人流曬口水既香氣！lunch都可以食到BBQ食物真係好幸福。餐湯係菠菜蘑菇忌廉湯。銀鱈魚西京燒定食配味增汁 跟前菜沙律白飯及鹹菜（$148）勁好食既銀鱈魚，滑嫩既魚肉一片片可以攤開咁食，骨又大大條非常容易拆，魚既鮮味無得彈，加上甜甜地鹹鹹地既味增汁，呢味送飯簡直一絕。因為係日式定食，個湯就變左面豉湯，都係非常好的。黎到呢間野無理由唔食番呢度既特色，所以都叫左三串燒物。雞胸軟骨（$30）、日式燒鵝肝拼豆腐乾（$68）、蘑菇（$16）。餐飲品包果汁/汽水或者加$15要咖啡或茶。我叫左綠茶。呢度午市唔算人多而且環境好chill，地方適
前菜沙律（跟餐）
先黎個前菜沙律，都幾大份，有燒過既南瓜添，跟義大利香醋，好開胃。
炭燒天多尼式澳洲120日穀飼黑安格斯肉眼 配薯條及雜菜（$168）
第一次食炭燒既肉眼扒，好特別，燒完之後塊扒係橙橙地色架。聞落仲要係陣陣肉類炭燒後散發出黎令人流曬口水既香氣！lunch都可以食到BBQ食物真係好幸福。餐湯係菠菜蘑菇忌廉湯。
銀鱈魚西京燒定食配味增汁 跟前菜沙律白飯及鹹菜（$148）
勁好食既銀鱈魚，滑嫩既魚肉一片片可以攤開咁食，骨又大大條非常容易拆，魚既鮮味無得彈，加上甜甜地鹹鹹地既味增汁，呢味送飯簡直一絕。因為係日式定食，個湯就變左面豉湯，都係非常好的。
黎到呢間野無理由唔食番呢度既特色，所以都叫左三串燒物。雞胸軟骨（$30）、日式燒鵝肝拼豆腐乾（$68）、蘑菇（$16）。
餐飲品包果汁/汽水或者加$15要咖啡或茶。我叫左綠茶。
呢度午市唔算人多而且環境好chill，地方適合同同事聚一聚傾下偈輕鬆下。
張貼
