叉燒大王

營業中

休息中

成日經過叉燒大王見好多時段通常都keep住多人，都有幫襯過幾次，今次食算係好味返決定寫下。個場其實大同新淨但人多，所以有逼爆效果。呢度服務一向無咩，基本上台員唔得閒理你，最高記錄係舉咗十分鐘手想落單，行埋出去問人都無人理你今日幾分鐘落到單算好喇叫咗一個飯一個意粉，咖哩飯正常，好味過上次好多，上次唔知點解無味，今日有辣味同有椰汁味。呢個肉醬意粉第一次叫，有驚喜，去骨雞翼入面仲有芝士同菇，真心好味。呢度其實最有特色係大大碟，唔好話女人，男人都未必食得曬所以個場有好多男士，唔驚個餐唔飽。