影片
更多
2017-03-28
1450 瀏覽
午飯時間，係中環半山工作嘅我，飽嘗吊腳返工之苦，幸四周臥虎藏龍的食肆林立，才得以平衡心理。今天到 Dragon I 午飯，同事話佢有午市點心飲食。當日冇咩人，環境就係一個活脫脫嘅酒吧樣。賣點心？我真係當堂嚇咗跳，然後得淡笑。言歸正傳，放題每位$238(+10%)。眼見一籠灌湯包而索價$60，茶位都$28位，我哋二話不說揀咗放題。點心唔算耐，好快嚟到。有圖有真相：前菜正正常常。辣椒油幾勁，有啲料到。推介炸蟹鉗，回本必食，粒粒蟹肉真材實料，香口彈牙一級棒!餃子，正常。蝦餃一般，唔太喜歡佢肉味太濃。懷疑落得太多鮮肉去增強味道，犧牲咗蝦嘅鮮甜同爽脆感。燒賣好正，大大件，睇得又食得。呢個就係我最最最最推介嘅蟹肉竹笙灌湯包啦!除了係個人偏好外，呢度嘅包即叫即蒸好新鮮，湯汁清甜無味精，有足料蟹肉同竹笙，包嘅外皮做得好，煙靭得嚟又夠薄。我食咗兩個，好滿足，回本了!是日點咗菊花茶，清香無比，絕非敷衍充數嘅貨色。服務一般吧，侍應唔係特別殷勤。會回頭。
今天到 Dragon I 午飯，同事話佢有午市點心飲食。當日冇咩人，環境就係一個活脫脫嘅酒吧樣。賣點心？我真係當堂嚇咗跳，然後得淡笑。
言歸正傳，放題每位$238(+10%)。眼見一籠灌湯包而索價$60，茶位都$28位，我哋二話不說揀咗放題。
點心唔算耐，好快嚟到。有圖有真相：
前菜正正常常。辣椒油幾勁，有啲料到。
推介炸蟹鉗，回本必食，粒粒蟹肉真材實料，香口彈牙一級棒!
餃子，正常。
蝦餃一般，唔太喜歡佢肉味太濃。懷疑落得太多鮮肉去增強味道，犧牲咗蝦嘅鮮甜同爽脆感。燒賣好正，大大件，睇得又食得。
呢個就係我最最最最推介嘅蟹肉竹笙灌湯包啦!除了係個人偏好外，呢度嘅包即叫即蒸好新鮮，湯汁清甜無味精，有足料蟹肉同竹笙，包嘅外皮做得好，煙靭得嚟又夠薄。我食咗兩個，好滿足，回本了!是日點咗菊花茶，清香無比，絕非敷衍充數嘅貨色。
服務一般吧，侍應唔係特別殷勤。
會回頭。
張貼
