利寶閣 (已結業)

有時候星期六日會同屋企人飲下茶食下點心，食得好D人均都要差不多百幾、兩百。最近俾我發現左【利寶閣】星期一至日都有點心放題（平日同周末價錢有稍有不同），任食兩個鐘。都係一個$200有找。入座每位都會有一個花膠灌湯餃同鮑魚撻，其他點心紙上只要你食得曬都可以任叫。而每次都係一粒或者一人分量、可以樣樣都試下！全部點心即叫即整，非常新鮮熱辣！蒸野軟熟熱辣辣、炸野外脆但完全唔會油笠笠！全部都非常高質，D茶都好香好好飲。不過唯一美中不足就係D叉燒鹹左D！Lunch time同朋友屋企人去【利寶閣】食足兩個鐘都係一個唔錯既選擇！