影片
更多
2024-01-14
86 瀏覽
之前食過宮崎肉本舖既happy hour set, 好唔錯。見佢出左呢個A5宮崎牛半放題,一於試埋佢。呢個半放題既用餐時間係90分鐘，自選一款肉類，其餘嘅4款燒肉，11款野菜、沙律，8款小食，7款飯麵及10款甜品、飲品都係放題式。呢日黎到餐廳，侍應安排我坐咗喺日式廂房入邊，好好彩呀！望住開陽嘅維園景色，心曠神怡！我揀咗$398嘅A5宮崎牛半放題。A5宮崎牛：呢度有兩款唔同牛肉嘅部位。雪花油脂分布平均。只係輕輕燒一下就可以食。牛味濃郁，牛質嫩滑juice.七味雞腎：咬落爽口，都幾大粒。加咗調味粉好惹味。辛口雞冠：第一次食燒雞冠，質感爽彈。雞皮餃子：雞皮入邊包住免治豬肉。由於外層被雞皮包着，咬落去除咗有豬肉加雞皮嘅香味，仲有香脆嘅雞皮喺外層。野菜盛盒：有南瓜片，京蔥，日本甜薯同埋秋葵。呢個蔬菜盒係可以將錫紙兜放喺爐上面燒。而佢錫紙兜入邊都加咗牛油。蔬菜燒起上嚟有牛油嘅香味。最鍾意日本甜薯，細細粒又夠甜。宮崎肉本舖和風沙律：有車厘茄，紅蘿蔔絲，雜菜加埋香醋，好清新。豆腐沙律：佢上面加咗啲蟹籽，賣相一流。豆味濃郁。醬油蘿蔔：好好味！蘿蔔夠晒爽口. 而且蘿蔔吸收咗醬油嘅味道，令人好開胃。牛蒡漬：
呢個半放題既用餐時間係90分鐘，自選一款肉類，其餘嘅4款燒肉，11款野菜、沙律，8款小食，7款飯麵及10款甜品、飲品都係放題式。
呢日黎到餐廳，侍應安排我坐咗喺日式廂房入邊，好好彩呀！望住開陽嘅維園景色，心曠神怡！
我揀咗$398嘅A5宮崎牛半放題。
A5宮崎牛：呢度有兩款唔同牛肉嘅部位。雪花油脂分布平均。只係輕輕燒一下就可以食。牛味濃郁，牛質嫩滑juice.
七味雞腎：咬落爽口，都幾大粒。加咗調味粉好惹味。
辛口雞冠：第一次食燒雞冠，質感爽彈。
雞皮餃子：雞皮入邊包住免治豬肉。由於外層被雞皮包着，咬落去除咗有豬肉加雞皮嘅香味，仲有香脆嘅雞皮喺外層。
野菜盛盒：有南瓜片，京蔥，日本甜薯同埋秋葵。呢個蔬菜盒係可以將錫紙兜放喺爐上面燒。而佢錫紙兜入邊都加咗牛油。蔬菜燒起上嚟有牛油嘅香味。最鍾意日本甜薯，細細粒又夠甜。
宮崎肉本舖和風沙律：有車厘茄，紅蘿蔔絲，雜菜加埋香醋，好清新。
豆腐沙律：佢上面加咗啲蟹籽，賣相一流。豆味濃郁。
醬油蘿蔔：好好味！蘿蔔夠晒爽口. 而且蘿蔔吸收咗醬油嘅味道，令人好開胃。
牛蒡漬：牛蒡經過醃製，解膩一流。
白桃味乳酸梳打，荔枝味乳酸梳打：因為食咗好多嘢，叫返兩杯乳酸梳打就適合不過。白桃味乳酸梳打，更加有漸變色嘅效果。
吉列廣島蠔：蠔味鮮甜。吉列嘅外層，加上Juice嘅蠔質形成強烈嘅對比。
自家製A5宮崎和牛餃子：好大隻嘅餃子。外層煎得香脆。內面嘅餡料充滿着牛肉碎. 牛肉味道濃郁，咬落肉質豐富。
明太子釀雞翼：本身都好鍾意食明太子鹹鹹哋嘅味道，呢個重要釀喺雞翼入邊。同脆口既隻雞皮一齊好夾。
酥炸魷魚圈：魷魚厚肉，炸得酥脆。
炸一口芝士：吉列皮配上流心嘅芝士係入邊，小小的一個啱啱好。
日式醬燒茄子：加左肉絲嘅醬汁鋪係炸得透身嘅茄子上面。茄子多汁軟熟。
松葉蟹肉茶漬飯：蟹肉鮮味，加上茶漬湯淡淡的香味。味道好夾。
山賊汁A5宮崎牛米餅：山賊汁加有冬菇同肉。米餅超級脆。
A5宮崎牛一之藏拉麵：呢個估唔到有驚喜。牛肉粒炆得夠林。拉麵爽口。湯底好重牛肉味。
柚子雪葩：好多柚子肉喺入面。雪葩好幼細入口即溶。唔會好甜。
自家製3.6牛乳奶凍：十分推薦呢個俾大家食。牛乳味好濃郁。
和菓子柏餅：好多紅豆蓉喺入邊。食既時候仲帶有葉嘅香味。
總括嚟講，宮崎肉本舖嘅用料高質，環境舒適。對食物質素有追求嘅人，不妨去試吓。
張貼
