瓜破菓子店 (Life@KCC)

營業中

休息中

難得去葵涌做嘢，完成後搵間cafe抖抖，估唔到依家葵芳有個food court，除咗大路少少嘅連鎖店，仲有間叫「瓜破」嘅小店。深啡色木有吧檯位，似足日本咖啡店風格，勾起興趣坐低試試。記得 #瓜破 之前只係網店，朋友有讚過佢哋嘅出品好食，估唔到未食到蛋糕反而去咗cafe先。這裡設有堂食坐位，主要提供甜食和咖啡，本身只係打算飲杯咖啡，但見到有個迷你牛角包套餐，三個迷你牛角包加飲品，當食下午茶。迷你牛角包套餐 $68本身有3款口味，不過抹茶味賣哂，所以要兩個焙茶和一個玄米茶。店員覺將牛角包翻熱再唧入醬，上桌時賣相都精緻，影相出嚟都靚。外皮尚算鬆脆，餡料都食得到茶味，不過嫌甜咗少少，如果可以減少少甜就好，整體可以一試。極上和束焙茶拿鐵選用京都和東產焙茶，茶味和奶味好balance，唔會搶到對方風頭，茶味有回甘，呷一口再嘗一口麵包，享受悠閑感。堂食以外，店內尚有少許現貨蛋糕供應，可以買走返屋企慢慢歎。