都佐 (已結業)

第一次寫食評，其實我唔太識點寫，是旦啦，有果句講果句囉😅去呢間餐廳其實都係俾佢既門口裝修吸左入去，餐廳俾兩間車房夾住既感覺其實畫面都幾搞笑😅。。仲要配合埋隔離車房哥哥無上裝既襯托，更加增加左我對呢間餐廳既好奇🤔。由門口裝修到內部粉飾都睇得出呢度既老細應該都好有要求，一入度去裝修好乾淨利落，望見都想打番個靚卡先。。雖然鋪頭唔大，枱都係得幾張，但係佢居然有埋坐bar枱既設計，令到客人都可以清楚欣賞到咖啡師既用心沖調,老老豆豆我今日就冇睇到喇🤣🤣,因為我同朋友仔舒舒服服坐左張四人枱😎講埋啲野食先，我抱住咩都試下冇衰既精神是旦篤左幾樣☝️,冷稻庭烏冬伴柚子醋，塩麴豚肉配醬油蛋油漬和風飯團，cappuccino,matcha red bean roll,Bailey roll😋逐個講下先，第一樣黎到係杯cappuccino,話說我叫果時就問我唔想苦又中意甜啲咁叫咩好，店員都好細心咁同我介紹，仲同我整左杯客制咖啡配合我既喜好，呢樣野我又覺得幾窩心喎，咁當然杯野飲落去都岩曬我既口味啦❤️睇drink menu 結果佢都有好多款唔同既咖啡，我諗中意咖啡既人黎度呢度應該會好開心🤣冷稻庭烏冬伴柚子醋，望個名其