茶寮 京都仁王門

營業中

休息中

📍食咗咩？- 28辛京都風咖喱 吉列豬扒定食 $88- 28辛京都風咖喱 吉列廣島蠔定食 $88先講跟餐有咩啦。定食會有一杯冷茶同埋味增湯。裡面加咗兩片蘿白，但個湯咸到腎虧，飲咗1/3就無飲，跟餐嘅茶都幾唔好飲，口渴嘅話建議都係應該加錢飲特飲。黎到主角28辛咖喱：無咩特別。聲稱用咗28種香料烹調嘅咖喱——完全食唔出個種層次係印象中個種日式咖哩，開粉，唔辣唔辛有咸有甜，兼有紅蘿蔔。蛋包飯：係蛋蓋白飯。蛋本身炒得ok，非常滑身，不過蛋本身無咩調味（可能預你撈味增湯食😂），白飯嫌過濕，食唔到粒粒嘅口感。朋友仔係食吉列廣島蠔，個蠔好食過吉列豬扒，起碼有蠔味。個吉列豬扒完全無豬味，個炸漿同肉係分開兩層，口感麻麻地。總結：坐得算舒服，可能甜品會比較吸引，但想食咖哩吉豬嘅話，分分鐘茶餐廳整得仲好味，唔會特別再幫襯。