Springtime (已搬遷) 新店位置

中午十二點趕時間嚟到柴灣springtime 快食午餐, 自助落單 lunch set包餐湯主菜飲品 再另外加錢, 嗌咗個菠蘿手撕豬漢堡配黑松露薯條(+$10)。餐湯 意式雜菜湯 用料足夠有紅菜頭西芹蘿蔔 所以味道都很好。主菜漢堡登場賣相一般 手撕豬肉非常多汁很嫰但配做漢堡餡,就真係一個失敗, 用手輕輕攞起個包就已經搞到成手都係汁, 咬落去手撕豬肉已經跌咗大半出嚟仲要搞到碟上面嘅薯條濕曬 破壞咗原本係呢個餐比較出色嘅薯條。 撇除進食 嘅難度 豬肉嘅調味係唔錯嘅,菠蘿亦都好有心思輕輕炸過一下,但真係好難進食。紫薯條方面咋得啱啱好仲熱辣辣 用十蚊家嘅黑松露醬就略嫌少咗啲 但真係幾好食幾香, 凍咖啡味道亦都合格。強烈建議大家如果要食呢個包就一定要攞多隻碟。