影片
更多
2019-05-31
1992 瀏覽
下雨天，難得約到超勤力的好朋友同事，想食個好小小的 lunch，唔想淋雨但係又唔想食公司 canteen⋯⋯ 諗到好橋，就係揸車去郵輪碼頭～ 郵輪碼頭喺我公司坐果間房都望到，其實離煩囂都市唔遠；不過，係人影都無隻。平日繼續艱苦經營的只有 4 間食肆：茶餐廳、茶樓、親子餐廳⋯⋯同埋呢間類似西餐的 「The Old Hanger」。裝修非常寬敞舒適，景觀開揚，配上「私房菜」級別的私隱度（當日只有兩檯客）- 環境一流。午餐有頗多選擇，全都附送自助salad、湯、麵包及雪米磁。選了「漢堡扒意粉」和「雞扒飯」：漢堡扒我以為係麥記豬柳蛋漢堡果塊豬柳，點知係「刀叉漢堡」咁。超大，都 ok 好食。雞扒同樣超級大塊，可能冇乜客，冇壓力，好俾心機煎得好脆皮。人均消費差不多$150，有泊車優惠（就算冇，都係$10一個鐘）。由公司個位到餐廳全程有蓋，真係炎夏、雨天嘅午飯綠洲啊～題外話：餐廳有一個鐘，係停的，看時間的話非常confusing。
郵輪碼頭喺我公司坐果間房都望到，其實離煩囂都市唔遠；不過，係人影都無隻。
平日繼續艱苦經營的只有 4 間食肆：茶餐廳、茶樓、親子餐廳⋯⋯同埋呢間類似西餐的 「The Old Hanger」。
裝修非常寬敞舒適，景觀開揚，配上「私房菜」級別的私隱度（當日只有兩檯客）- 環境一流。
午餐有頗多選擇，全都附送自助salad、湯、麵包及雪米磁。
選了「漢堡扒意粉」和「雞扒飯」：漢堡扒我以為係麥記豬柳蛋漢堡果塊豬柳，點知係「刀叉漢堡」咁。超大，都 ok 好食。雞扒同樣超級大塊，可能冇乜客，冇壓力，好俾心機煎得好脆皮。
人均消費差不多$150，有泊車優惠（就算冇，都係$10一個鐘）。由公司個位到餐廳全程有蓋，真係炎夏、雨天嘅午飯綠洲啊～
題外話：餐廳有一個鐘，係停的，看時間的話非常confusing。
張貼
