拉麵台風 (已搬遷) 新店位置

好耐無食拉麵，無他，因為香港食拉麵好貴。近來小小癮起，又到處找。附近最便利又頗有名氣的是麵屋台風。小店大概10枱位，跟日本當地的很像樣。師傅不知是否日本人？店員會日語和師傅溝通，亦會廣東話，聽落頗有感覺。有介紹各款拉麵。自助點餐，價錢算相宜。第一次來點了魚介豚骨拉麵。午餐送飲品或半份小食，要了叉燒。湯底係濃嘅，掛匙嘅，但豬骨味就無質感咁濃。另上魚粉，溝埋之後係多一種層次，彌補本味不足嘅問題。魚粉係木魚刨成。拉麵煮嘅時間都好，爽彈，但麵又無乜麥味，勝在份量多。叉燒兩片，送的半份為叉燒粒，份量多嘅，質感軟滑，但就係無咩味，豬肉又無味，醬油又唔夠味。味荀，味道稍淡。溏心蛋，溏心情況非常好，個味道稍 淡，淡淡的醬油味，蛋味又薄弱。第二次食沾麵。湯底更濃。配沾麵就好。但麵身太光滑，跟本掛唔到湯，勝在真係夠多，男人食都飽。整體而言，量大實惠算係咁，隔離沙嗲x食個午餐拉麵都60幾時，呢度食碗稍正常的拉麵都係七八十，其實算係咁，如果多啲味就好。