Peko Peko Eatery (勝利道)

營業中

休息中

平日午餐時間都大排長龍冇得訂位，今次難得早放lunch，專登過嚟碰運氣。等咗10分鐘，可以入座。餐廳裝修簡約悠閒，但如果搭枱4人枱的話，靠牆位置可能要跨過長櫈，不太方便。午餐可自行配搭前菜和主菜，都跟餐湯和飲品。我哋今次一共點咗三個前菜（藜麥雞肉沙律、和風蟹子沙律、粟米流心芝士波）和三個主菜（日式咖喱雞扒、胡麻汁豆腐粒、慢煮燴牛面頰）。印象較深的是牛面頰，煮得夠林，都算香和有肉味。流心芝士波都唔錯，外皮夠脆、內裏夠軟滑。餐湯就稍為遜色，感覺似即食湯。另外，我們都選了鰹魚湯烏冬，麵身夠彈牙，湯味比較清淡，配上味道較為濃郁的主菜也不錯。整體感覺食物水準一般。