蠔站 (傲雲峰)

營業中

休息中

第一次嚟呢度食飯，叫咗半打蠔加個午餐，蠔就10蚊隻，本身都冇乜期望，食落得個鹹同埋凍嘅感覺。。。基本上係冇新鮮嘅甜美，但係十蚊一隻所以都冇要求咁多。個牛肉飯超唔掂！啲飯係用微波爐叮熱上碟，有圖為證用叉拮住都可以拎起！仲硬過我條命個餐湯淡而無味，係綠色菜湯，得嗰個顏色。。。嗰碟牛肉飯基本上都係茶餐廳水準，咁樣就收78我覺得有啲貴。埋單大約150蚊，有得揀嘅話唔會再嚟，啲員工基本上同茶餐廳差唔多冇乜服務可言，一有空檔就喺出面煲煙。