圃鍋 (已結業)

朋友喺灣仔返工，提議到圃鍋食晏。冇諗過除咗中式菜色外，仲有日式料理供應。我哋今次點選中式午餐，點咗一個炒雲耳勝瓜黑豚肉，一個黑醋咕嚕黑豚肉，另外仲加咗個川式皮蛋。第一次食川式皮蛋，滿滿嘅青辣椒圍著皮蛋，食落感覺不錯，有啲青椒香味而不太辣，配皮蛋又出奇地夾。兩款黑豚肉都非常爽脆，味道適中。係略嫌炒黑豚肉多咗啲油。但以價錢嚟講，一個午市套餐約HK$80都算合理。而午市時段亦有寬敞座位供應，值得推介。