Burger Joys (第一街)

營業中

休息中

今日午餐去咗食Burger Joys，之前想試好耐，估唔到咁近我！大家知唔知西營盤仲有咩好食？晏晝有套餐，包一個漢堡、一個小食同嘢飲。發覺一個牛堡又係$99，一個牛堡餐都係$99！我叫咗牛肉芝士漢堡餐，朋友叫咗牛堡同雞堡。仲有好多小食：芝士薯條、炸洋蔥圈、炸薯餅。我最中意薯餅，仲可以點茄汁；炸洋蔥圈都唔錯，好脆。我地仲另外加咗六隻蒜香雞翼。啲雞翼酸酸地辣辣地，不過味道幾好，我食咗四隻。芝士薯條放耐咗之後淋咗，應該一早食咗先/ 汁另上。嘢飲有汽水、啤酒同埋水。我叫咗啤酒，邊個話中午唔可以飲酒？啤酒都係得嗰5%！汽水就不了。如果我知道水係FIJI水，我可能會叫水，我成世人都未飲過啲咁清純嘅水。朋友飲咗半杯就面都紅曬，渣，所以我幫佢飲埋，抵。飲完酒去上堂，坐得好舒服。加錢可以要奶昔，不過今日冇得賣有啲可惜。不過就算有奶昔我都會去飲酒。我喜歡啤酒嘅苦，飲緊嘅係人生。漢堡舊牛肉都幾多汁，同埋有好多配料唔會好乾。幾好食不過我覺得冇乜特色。午市嚟有埋小食同嘢飲就幾抵，但同一個價錢就咁得個包就偏貴。