川之源 (寶豐大廈) (已結業)

今日同朋友想食川菜辣野，就搵到呢間川之源，原來我之前食過佢其中一店舖係西營盤，我記得好好食，今次我地午餐揀左係正街1-7號既樓上舖。午餐佢有一人餐或者二人餐，咁我揀二人餐既第一個款，選左蒜泥白肉、水煮魚片、酸辣土豆絲。服務員服務都好好，一開頭就問清楚我地食唔食得辣，上菜後又問我地接唔接受到個辣度，又怕我地會唔會熱。水煮魚片入面啲魚好滑，好大塊而且份量好多，仲有寬粉同芽菜，味道好香。午餐黎講，兩個人食左$248，食到咁多，性價比算高。