居食屋「和民」 (已結業)

今日放假入咗馬鞍山搵朋友聚聚，想搵一間坐得舒服又坐得耐少少既餐廳，就㨂咗有卡位既和民。和民平時通常都係食晚餐，午餐真係比較少食。午餐有不同選擇，有飯/麵/鍋/石頭飯等。雞，豚肉天婦羅丼定食$68賣相唔錯，有沙律，麵豉湯，日式蒸蛋，天婦羅雞及豚肉飯及餐飲。蒸蛋好食，蛋夠滑漏。沙律同湯都正常無特別。但天婦羅就唔好食，炸得好厚粉，粉漿成吋厚👎🏻追加一款迷你牛肉丼$28呢個就抵食，份量都唔少，牛肉夠腍同多汁。滑蛋豬柳鍋定食$68套餐有麵豉湯，沙律，滑蛋豬柳鍋，白飯，熱柚子蜜。呢個味道正常，份量都夠大。