華小料理屋 (已結業)

自從早前txb 有個叫進擊昇龍道嘅節目就想去搵飛驒牛食，十二月有機會去東京，原來成個東京都係得一間餐廳有得食，時間問題又去唔成冇食到。返到香港留意到呢間餐廳得到日本認可賣飛驒牛，所以一直都起搵食清單入面。下晝起銅鑼灣買完野，又諗起呢間餐廳，不過更吸引我嘅唔係和牛，係喜之次。喜之次係日本魚王之一，貌似大眼雞，魚脂特別厚，通常係熱食可以帶出佢嘅魚香，肉質細嫰。究竟呢間餐廳午餐喜之次定食係點呢，真係好有興趣知。點餐時待應說沒有汁煮喜之次，只有燒喜之次，照樣點了。上菜時的賣相很好，定食有沙律，蒸蛋，味噌湯和白飯。個蒸蛋係好食嘅，嫰滑有汁。但係個燒魚就太乾身，條魚本身唔夠脂肪，變得唔夠油香，肉都變得太緊，做得比較一般。見到其他食評試左汁煮喜之次都評價唔錯，有時間我會再嚟試個汁煮嘅。如果有時大家點餐時只有燒魚，我會建議叫過另一樣野食。