程班長台灣美食 (已結業)

好耐之前聽過「程班長台灣美食」開喺荔枝角工廈，星期六終於的起心肝嚟試食! 中午12點幾去到，門口已經有好多人排隊，我地排咗大約半個鐘度先入到去食!入到去覺得啲座位比較迫，同人背貼背咁坐，坐就坐得唔係咁舒服架喇，不過主要係嚟試佢地嘅台灣正宗野食。先試下啲小食呢個甜不辣($20)係凍係，個人覺得一般。牛肉捲餅($32)，都算足料，入面仲有青瓜。蚵仔煎 ($35) ，佢啲蚵仔係比較大粒，雖然冇台灣果啲咁好食，但係喺香港嚟講呢個算係有台灣風味。主食叫咗個紅燒半筋半肉麵同手工滷肉飯。紅燒半筋半肉麵($52)，麵係闊嗰隻，個湯底都好夠味，牛肉夠淋，啲酸菜都唔錯。手工滷肉飯($32) 同另一隻肉燥飯，係較肥，個人覺得肥啲好食啲，咁多樣野我最滿意手工滷肉飯。總括嚟講啲野食係唔錯，不過如果環境冇咁迫會好好多，可能星期六特別多人，下次試下閒日會唔會好啲啦。