鮨一心 (已結業)

元朗都有壽司發辦食🦑咁近有得食好嘢真係諗到都開心🤤佢係康樂路條渠附近，係有少少難搵，別有一番隱世味道🐿先付包括一客黑松靈蛋、吞拿魚沙律煎餅同海藻麵同冷玉子燒🥚溫泉蛋十分軟滑，鰹魚汁香氣迷人；吞拿魚沙律煎餅令人十分驚豔，外面好似腐皮卷咁酥脆，入面香甜可口；海藻麵細滑帶酸：玉子燒口感細膩🐿我哋嗌咗壽司十件嘅套餐，之後師傅就幫我哋陸續上壽司，師傅係日本人，講好得意嘅廣東話咖🦑🦑石斑白肉緊緻，上面莓醬令味道變得獨特⭕️鰹鰹魚平時比較少食，我總係覺得佢有陣腥味，但今次又冇喎🤤呑拿魚 吞拿魚外面燒過，逼咗啲香氣出嚟！第一次食到咁出色嘅吞拿魚，肉嫩不止又滑🤤上咗癮 天使蝦依個蝦超黏口，超有口感🦐🦐深海池魚池魚好好食😭細嫩到不得了帶子上面有柚子果醬，香甜😌拖羅非常肥美，油脂撲面🤤最後三客係軍艦，分別係吞拿魚、三文魚子同海膽 海膽好鮮甜，份量又足！最後有一客湯同一客黑糖雪糕💖完美