影片
更多
2023-10-27
616 瀏覽
又喺完咗聚會，同老友搵地方食晏，而今次老友話有間新店開張無耐，不如試試，睇個店名你就知主打喺牛雜、魚蛋嘅粉麵店啦。因為新開張無耐，所以，環境比較新簇，不過，啲枱櫈就真喺幾逼吓，依家疫情過去，所有嘢都復常，搭枱變咗喺必然。地方細細，枱面又細細，一大堆餐具、調味料都擺埋上枱，掗咗唔少空間，所以，一人一個碟頭叫做啱啱好夠位而已。 食物選項方面，其實都有啲茶餐廳嘅形式經營，因為除咗粉麵之外，仲有泡飯、飯餐、包餐，所以，你話同茶餐廳有咩分別，哈哈！ 五香牛雜飯 $50呢度啲碟頭飯實在大堆頭，好似老友嘅牛雜飯咁樣，飯一大碟，牛雜又有一大碟，絕對夠晒飽肚有突。始終店家主打都喺牛雜，所以佢哋嘅牛雜差唔得去邊，老友就話炆得夠入味，又香又腍，確係唔錯。 梅菜扣肉飯 $50小弟就揀梅菜扣肉飯，因為唔喺度度都有整，越嚟越少鋪頭賣。同樣喺份量十足，不過，撩幾撩，就會發現扣肉唔係好多，梅菜佔大多數，而且，梅菜有啲偏鹹，扣肉嘅亦都以肥肉偏多，整體嚟講只可以叫做中規中矩。 熱奶茶因為佢哋嘅格局都似茶餐廳，亦睇到水吧師傅沖奶茶都似模似樣，所以，就揀杯熱奶茶飲吓。同樣都只喺屬於中規中矩，其實都好夠茶香嘅，但茶底又唔算話好
因為新開張無耐，所以，環境比較新簇，不過，啲枱櫈就真喺幾逼吓，依家疫情過去，所有嘢都復常，搭枱變咗喺必然。
地方細細，枱面又細細，一大堆餐具、調味料都擺埋上枱，掗咗唔少空間，所以，一人一個碟頭叫做啱啱好夠位而已。
食物選項方面，其實都有啲茶餐廳嘅形式經營，因為除咗粉麵之外，仲有泡飯、飯餐、包餐，所以，你話同茶餐廳有咩分別，哈哈！
五香牛雜飯 $50呢度啲碟頭飯實在大堆頭，好似老友嘅牛雜飯咁樣，飯一大碟，牛雜又有一大碟，絕對夠晒飽肚有突。始終店家主打都喺牛雜，所以佢哋嘅牛雜差唔得去邊，老友就話炆得夠入味，又香又腍，確係唔錯。
梅菜扣肉飯 $50小弟就揀梅菜扣肉飯，因為唔喺度度都有整，越嚟越少鋪頭賣。同樣喺份量十足，不過，撩幾撩，就會發現扣肉唔係好多，梅菜佔大多數，而且，梅菜有啲偏鹹，扣肉嘅亦都以肥肉偏多，整體嚟講只可以叫做中規中矩。
熱奶茶因為佢哋嘅格局都似茶餐廳，亦睇到水吧師傅沖奶茶都似模似樣，所以，就揀杯熱奶茶飲吓。同樣都只喺屬於中規中矩，其實都好夠茶香嘅，但茶底又唔算話好深沉醇厚，口感亦未喺話好柔滑。
由於環境確喺比較擠逼，所以，我哋食完都快快走，純粹食餐晏晝飯，都唔太方便坐耐啲傾多幾句！
張貼
