Ufufu Cafe (已結業)

雖然話『好又一餐唔好又一餐』，但係間唔時都要對自己好啲嘅，於是今日準備咗個日式同西式 fusion 嘅午餐獎勵下自己，菜式選擇咗『鐵板漢堡扒』同『明太子忌廉意粉』。『鐵板漢堡扒』唔好以為佢只得果舊細細鐵板漢堡，佢都有配飯碗白飯嘅。送餐嚟嘅侍應生提供咗黑色小圍巾避免你淋汁時整污糟件衫，相信女士們都會好欣賞呢種咁貼心嘅行為。塊漢堡扒好 juicy 好好味，加上白飯食落係用咗日本米，呢一點絕對睇得出佢嘅誠意。『明太子忌廉意粉』淨係個汁都已經夠特別啦，而且出面其他餐廳都好少有，配埋魷魚圈就更鮮甜啦，不過略嫌個汁就有點兒 watery。環境方面係幾舒服既闊落，午餐仲連餐湯同飲品添，每人都只乘惠 $80 - $90 左右。講真，香港同類型嘅連鎖店都唔止呢個價錢啦，所以我覺得係超值嘅！