南小館 (已結業)

其實香港仔都好多好嘢食，南小館食午餐真係唔錯。套餐$68有一個主菜可以揀麵，有擔擔麵，陽春麵配糖醋排骨等。另外仲有一個小食可以揀小籠包，生煎包，紅油抄手等。送埋嘢飲薏米水或者豆漿。整體質素都幾高我揀咗陽春麵配糖醋排骨，排骨份量稍微少咗啲，但係湯汁又醋味，幾好味。小籠包中規中矩，但係午餐呢個價錢有得食3件小籠包都真係唔錯。同事試咗外婆紅燒肉燒賣，讚口不絕。下次我都要試吓。環境好舒服，好闊落，午餐都不算太多人，不用等位。