峇峇娘惹 (彌敦道) (已結業)

同事極力推介呢間馬拉菜，話好惹味，今天經過此地即管一試。店面偏細，不過座位之間有足夠空位間隔，唔算太迫，坐落尚算舒適，姐姐服務態度良好，我就叫左一個香茅雞翼摻摻叻沙。配料有魚片頭，半隻熟蛋，少量牙菜，湯底辣辣地又唔會太搶，好惹味，濃濃嘅椰香令我胃口大開，雞翼味道都唔錯，不過唯一敗筆係浸落湯到搞到淋曬希望店家下次可以將雞翼另上，相信一定會更上一層樓。另外叫左杯飲品，凍拉茶，飲落同茶記嘅凍奶茶無咩分別，呢樣就稍為遜色。