Route 83 (廣福道)

營業中

休息中

星期六梗係懶懶散散咁過，放假梗係咁架啦 🤭🤭行過多人等位嘅餐廳我哋都走人，嚟到呢度少人啲就等陣啦，等位有嚟亂，無人指示要入餐廳攞飛，好彩問吓等緊位嘅朋友啫。等咗陣有位，睇定咗食乜所以好快落單，我叫咗個三色椒雞肉炒意粉，另一位就叫咗煎豬扒跟意粉。先上南瓜湯，南瓜味唔重，湯夠厚身。三色椒雞肉意粉比較一般，椒嘅份量較少而雞肉又無乜味，反而意粉又 ok wor，煎豬扒夠香口，跟個意粉用茄醬炒，都幾開胃。餐茶叫咗杯咖啡，比我想像好味。